ਇੱਕ ਸੱਚੇ
ਦੇਸ਼ ਭਗਤ

ਪੀਐੱਮ ਮੋਦੀ ਦੀ ਅਮਰੀਕਾ ਦੀ ਫੇਰੀ ਤੋਂ ਪਹਿਲਾਂ ਸਾਡੇ ਵੱਲੋਂ ਦੁਨੀਆ ਦੇ ਪ੍ਰਮੁੱਖ ਤਕਨੀਕੀ ਕੇਂਦਰ ਸਿਲੀਕਾਨ ਵੈਲੀ ਵਿਖੇ ਇੱਕ ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ। ਇਸ ਕਾਨਫਰੰਸ ਦਾ ਵਿਸ਼ਾ ’’ ਭਾਰਤ ਅਮਰੀਕਾ ਭਾਈਵਾਲੀ : ਨਵੀਂ ਵਿਸ਼ਵ ਤਕਨੀਕੀ ਵਿਵਸਥਾ ਦੀ ਕੁੰਜੀ’’ ਸੀ। ਆਪਣੀ ਕਿਸਮ ਦੀ ਇਸ ਪਹਿਲੀ ਕਾਨਫਰੰਸ ਵਿਚ ਤਕਨੀਕੀ ਜਗਤ ਦੇ ਦਿੱਗਜਾਂ ਅਤੇ ਸਿੱਖਿਆ ਸ਼ਾਸਤਰੀਆਂ ਦਾ ਸੁਮੇਲ ਵੇਖਣ ਨੂੰ ਮਿਲਿਆ, ਜਿਨ੍ਹਾਂ ਨੇ ਭਾਰਤ ਅਤੇ ਅਮਰੀਕਾ ਵਿਚਕਾਰ ਰਣਨੀਤਕ ਤਕਨੀਕੀ ਸਾਂਝੇਦਾਰੀ ਨੂੰ ਹੋਰ ਮਜ਼ਬੂਤ ਕਰਨ ਅਤੇ ਵਧਾਉਣ ਲਈ ਆਪਣੇ ਕੀਮਤੀ ਵਿਚਾਰ ਅਤੇ ਦਿ੍ਰਸ਼ਟੀਕੋਣ ਸਾਂਝੇ ਕੀਤੇ।ਇਸ ਮੌਕੇ ਕੈਲੀਫੋਰਨੀਆ ਦੇ ਅਟਾਰਨੀ ਜਨਰਲ ਏਜੀ ਰੌਬ ਬੋਂਟਾ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ।

ਭਾਰਤ ਤੋਂ ਅਮਰੀਕਾ ਤੱਕ ਪਿਆਰ ਤੇ ਸ਼ਾਂਤੀ ਦਾ ਸੰਦੇਸ਼ ਪਹੁੰਚਾਉਣ ਲਈ ਸਾਡੇ ਵੱਲੋਂ ਫਿਲਾਡੇਲਫੀਆ ਵਿਚ ਹਜ਼ਰਤ ਸ਼ੇਖ ਐੱਮਆਰ ਬਾਵਾ ਮੁਹਈਅਦੀਨ ਦੀ ਮਜ਼ਾਰ ’ਤੇ ਰਾਜਸਥਾਨ ਦੀ ਅਜਮੇਰ ਸ਼ਰੀਫ ਦਰਗਾਹ ਤੋਂ ਲਿਆਂਦੀ ਪਵਿੱਤਰ ਚਾਦਰ ਭੇਟ ਕੀਤੀ। ਅਮਰੀਕਾ ਸਥਿਤ ਇਹ ਮਜ਼ਾਰ ਏਕਤਾ ਅਤੇ ਫਿਰਕੂ ਸਾਂਝੀਵਾਲਤਾ ਦੀ ਪ੍ਰਤੀਕ ਹੈ। ਇਸ ਮੌਕੇ ਗਲੋਬਲ ਸਕਿਉਰਿਟੀ ਇੰਸਟੀਚਿਊਟ ਦੇ ਪ੍ਰਧਾਨ ਅਹਿਮਦ ਮੁਹਈਅਦੀਨ ਜੋਨਾਥਨ ਗ੍ਰੈਨੇਫ ਅਤੇ ਵੱਖ-ਵੱਖ ਧਰਮਾਂ ਦੇ ਲੋਕ ਸਾਡੇ ਨਾਲ ਸ਼ਾਮਲ ਹੋਏ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਮਰੀਕਾ ਫੇਰੀ ਤੋਂ ਪਹਿਲਾਂ ਸਾਡੇ ਵੱਲੋਂ ਨਿਊਯਾਰਕ ਵਿਚ 9/11 ਦੇ ਯਾਦਗਾਰੀ ਸਥਾਨ ’ਤੇ ਅੰਤਰ ਧਾਰਮਿਕ ਸ਼ਾਂਤੀ ਪੈਦਲ ਮਾਰਚ ਦਾ ਆਯੋਜਨ ਕੀਤਾ ਗਿਆ।ਤਾਂ ਕਿ ਵਿਸ਼ਵਵਿਆਪੀ ਅੱਤਵਾਦ ਨਾਲ ਟਾਕਰਾ ਕਰਨ ਲਈ ਆਪਣੇ ਸਾਮੂਹਿਕ ਯਤਨਾਂ ਨੂੰ ਹੋਰ ਵੀ ਮਜ਼ਬੂਤ ਕੀਤਾ ਜਾ ਸਕੇ। 9/11 ਦਾ ਯਾਦਗਾਰੀ ਸਥਾਨ ਦਿ੍ਰੜਤਾ ਦੀ ਜਿਉਂਦੀ ਜਾਗਦੀ ਮਿਸਾਲ ਹੈ ਅਤੇ ਸਨਮਾਨ ਦਾ ਪ੍ਰਤੀਕ ਹੈ, ਜੋ ਵਰਲਡ ਟ੍ਰੇਡ ਸੈਂਟਰ ਸਥਾਨ ’ਤੇ ਹੋਏ ਭਿਆਨਕ ਅੱਤਵਾਦੀ ਹਮਲੇ ਵਿਚ ਹਜ਼ਾਰਾਂ ਜਾਨਾਂ ਗੁਆਉਣ ਵਾਲਿਆਂ ਨੂੰ ਸ਼ਰਧਾਂਜਲੀ ਦੇ ਰਹੀ ਹੈ। ਇਸ ਮੌਕੇ ਐੱਨਜੀਓ ਟਿਊਸਡੇਜ਼ ਚਿਲਡਰਨ ਨੂੰ 9/11 ਦੇ ਪੀੜਤ ਪਰਿਵਾਰਾਂ ਦੀ ਸਹਾਇਤਾ ਕਰਨ ਅਤੇ ਮਨੁੱਖਤਾ ਦੀ ਸੇਵਾ ਲਈ ਪਾਏ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ।

ਪ੍ਰਵਾਸੀ ਭਾਰਤੀਆਂ, ਭਾਰਤੀ ਮੂਲ ਦੇ ਕਾਰੋਬਾਰੀਆਂ ਅਤੇ ਵੱਖ-ਵੱਖ ਖੇਤਰਾਂ ਦੇ ਅੰਤਰਰਾਸ਼ਟਰੀ ਮਾਹਿਰਾਂ, ਸੀਈਓਜ਼, ਮੈਨੇਜਿੰਗ ਡਾਇਰੈਕਟਰ, ਵਿਦਵਾਨ, ਸਿਹਤ ਅਤੇ ਆਈਟੀ ਕੰਪਨੀਆਂ ਦੇ ਏਆਈ ਮਾਹਿਰਾਂ ਨੇ ਅਮਰੀਕਾ ਦੀ ਸਟੈਨਫੋਰਡ ਯੂਨੀਵਰਸਿਟੀ ਵਿਖੇ ਆਯੋਜਿਤ ’ਇੰਡੀਆਸਪੋਰਾ ਏਆਈ ਸਮਿਟ’ ਵਿਚ ਭਾਰਤ ਨੂੰ ਏਆਈ ਵਿਚ ਗਲੋਬਲ ਹੱਬ ਬਣਾਉਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਗੁਵਾਈ ਦੀ ਸ਼ਲਾਘਾ ਕੀਤੀ।

ਸਮਿਟ ਵਿਚ ਆਈਟੀ ਤੇ ਹੋਰ ਖੇਤਰਾਂ ਦੇ ਪ੍ਰਵਾਸੀ ਭਰਤੀਆਂ ਅਤੇ ਭਾਰਤੀ ਮੂਲ ਦੇ ਕਾਰੋਬਾਰੀਆਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ-2047 ਤਕ ’ਵਿਕਸਿਤ ਭਾਰਤ’ ਲਈ ਦੇਸ਼ ਦੀ ਰਣਨੀਤੀ ਬਣਾਉਣ ਵਿਚ ਏਆਈ ਦੀ ਵਰਤੋਂ ਕਰ ਕੇ ਭਾਰਤ ਦੇ ਭਵਿੱਖ ਨੂੰ ਨਵਾਂ ਅਕਾਰ ਦੇ ਰਹੇ ਹਨ।

ਸਮਿਟ ਦੌਰਾਨ ਲਜ਼ਾਰਸਕੀ ਯੂਨੀਵਰਸਿਟੀ (ਪੋਲੈਂਡ) ਦੇ ਅਰਥ ਸ਼ਾਸਤਰ ਅਤੇ ਮੈਨੇਜਮੈਂਟ ਵਿਭਾਗ ਦੇ ਫੈਕਲਟੀ ਮੈਂਬਰ ਡਾ. ਮਾਰਟਿਨ ਡਾਹਲ ਦੁਆਰਾ ਲਿਖਿਆ ਅਤੇ ਬੌਬ ਸਿੱਧੂ ਤੇ ਤੇਜ਼ਸ ਧਾਮੀ ਦੁਆਰਾ ਸਹਿ ਲਿਖਿਆ ਇੱਕ ਖੋਜ ਪੱਤਰ ’’ਨੈਵੀਗੇਟਿੰਗ ਦਾ ਨੈਕਸਸ : ਅਨਰੇਵੇਲਿੰਗ ਕਿ੍ਰਟਿਕਸ ਐਂਡ ਫੋਕਲ ਐਕਸਸ ਆਫ਼ ਬਿਜਨਸ ਇੰਡੈਕਸ ਕੰਸਟ੍ਰਕਟਸ ’’ ਪੇਸ਼ ਕੀਤਾ ਗਿਆ।ਇਸ ਵਿਚ ਪੱਛਮੀ ਏਜੰਸੀਆ ਵੱਲੋਂ ਭਾਰਤ ਦੀ ਏਜੰਡਾ ਅਧਾਰਤ ਰੇਟਿੰਗ ਦੀ ਨਿੰਦਾ ਕੀਤੀ ਅਤੇ ਗਲੋਬਲ ਬਿਜ਼ਨਸ ਇੰਡੈਕਸ ਵਿਚ ਦੁਨੀਆ ਦੀ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਅਰਥ ਵਿਵਸਥਾ ਵਿਰੁੱਧ ਪੱਖਪਾਤ ਦੀ ਸਖ਼ਤ ਆਲੋਚਨਾ ਕੀਤੀ ਗਈ।

ਅੰਤਰਰਾਸ਼ਟਰੀ ਸੂਚਕਾਂਕ ਵੱਲੋਂ ਜਾਰੀ ਵਿਕਾਸਸ਼ੀਲ ਦੇਸ਼ਾਂ ਨੂੰ ਦਿੱਤੀ ਜਾਣ ਵਾਲੀ ਰੈਂਕਿੰਗ ਅਕਸਰ ਹੀ ਏਜੰਡਾ ਪ੍ਰਧਾਨ ਅਤੇ ਨਕਾਰਾਤਮਕ ਹੰੁਦੀ ਹੈ। ਇਹ ਮਹੱਤਵਪੂਰਨ ਤੱਥ ਹਾਰਵਰਡ ਯੂਨੀਵਰਸਿਟੀ ਵਿਚ ਆਯੋਜਿਤ ਇੱਕ ਅੰਤਰਰਾਸ਼ਟਰੀ ਸੈਮੀਨਾਰ ਵਿਚ ਸਾਹਮਣੇ ਆਏ ਹਨ। ਇਸ ’ਤੇ ਦੋ ਪ੍ਰਸਿੱਧ ਲੇਖਕਾਂ ਨੇ ਆਪਣੇ ਖੋਜ ਪੱਤਰ ਪੇਸ਼ ਕੀਤੇ।’ਡੀਕੰਸਟ੍ਰਕਟਿੰਗ ਗਲੋਬਲ ਮੇਜ਼ਰਜ਼ : ਏ ਕਿ੍ਰਟਿਕਲ ਅਸੈਸਮੈਂਟ ਆਫ ਸਿਲੈਕਟੇਡ ਇੰਡੈਕਸ ਕੰਸਟ੍ਰਕਟਸ ਐਂਡ ਮੈਥਾਡੋਲੋਜਿਕਲ ਅਪ੍ਰੋਚਸ’, ਜਿਸ ਵਿਚ ਵਰਲਡ ਹੈਪੀਨੇਸ ਇੰਡੈਕਸ, ਵਰਲਡ ਪ੍ਰੈੱਸ ਫਰੀਡਮ ਇੰਡੈਕਸ ਅਤੇ ਗਲੋਬਲ ਹੰਗਰ ਇੰਡੈਕਸ ਦੀ ਰੈਕਿੰਗ ਦਾ ਮੁਲਾਂਕਣ ਕੀਤਾ ਗਿਆ।ਇਸ ਸਮਾਗਮ ਵਿਚ 11 ਦੇਸ਼ਾਂ ਦੇ ਪ੍ਰਸਿੱਧ ਅਕਾਦਮਿਕ ਮਾਹਿਰਾਂ, ਖੋਜਕਰਤਾ ਅਤੇ ਵਿਦਵਾਨ ਹਾਜ਼ਰ ਸਨ।

ਇਸ ਵਿਚ ਸਾਹਮਣੇ ਆਏ ਕਿ ਵਰਲਡ ਹੈਪੀਨੇਸ ਇੰਡੈਕਸ ਆਮਦਨੀ, ਅਸਮਾਨਤਾ, ਸਮਾਜਿਕ ਨਿਆਂ ਅਤੇ ਵਾਤਾਵਰਣ ਦੀ ਸਥਿਰਤਾ ਵਰਗੇ ਮਹੱਤਵਪੂਰਨ ਕਾਰਕਾਂ ਦੀ ਅਣਦੇਖੀ ਕਰਦਾ ਹੈ। ਇਸ ਵਿਚ ਪੱਖਪਾਤ ਤੇ ਲੁੱਕੇ ਹੋਏ ਅਜੰਡੇ ਦਾ ਪਤਾ ਲਗਦਾ ਹੈ। ਵਰਲਡ ਪ੍ਰੈਸ ਫਰੀਡਮ ਇੰਡੈਕਸ ਵਿਚ ਭਾਰਤ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਤੋਂ ਵੀ ਪਿੱਛੇ ਹੈ। ਵਰਲਡ ਹੰਗਰ ਇੰਡੈਕਸ ਵਿਚ ਭਾਰਤ ਜਿੰਬਾਬਵੇ, ਪਾਕਿਸਤਾਨ, ਇਥੋਪੀਆ ਅਤੇ ਯੂਗਾਂਡਾ ਤੋਂ ਵੀ ਹੇਠਾਂ ਹੈ। ਇਹ ਇੰਡੈਕਸ ਭੁੱਖ ਅਤੇ ਕੁਪੋਸ਼ਣ ਵਰਗੀਆਂ ਸਮੱਸਿਆਵਾਂ ’ਤੇ ਅਧਾਰਿਤ ਤੱਥਾਂ ਨੂੰ ਪੂਰੀ ਤਰ੍ਹਾਂ ਸ਼ਾਮਲ ਨਹੀਂ ਕਰਦਾ ਹੈ। ਇਹ ਖੋਜ ਪੱਤਰ ਨਾ ਸਿਰਫ਼ ਗਲੋਬਲ ਇੰਡੈਕਸ ਦੀ ਅਧੂਰੀ ਕਾਰਜਪ੍ਰਣਾਲੀ ਅਤੇ ਪ੍ਰਮਾਣਿਕਤਾ ’ਤੇ ਸਵਾਲ ਖੜੇ ਕਰਦੇ ਹਨ, ਸਗੋਂ ਭਾਰਤ ਵਰਗੇ ਵਿਕਾਸਸ਼ੀਲ ਦੇਸ਼ਾਂ ਦੇ ਖਿਲਾਫ਼ ਇਸ ਦੇ ਪੱਖਪਾਤ ਅਤੇ ਏਜੰਡਾ ਪ੍ਰਧਾਨ ਰੈਂਕਿੰਗ ਨੂੰ ਉਜਾਗਰ ਕਰਦੇ ਹਨ।

ਅਮਰੀਕਾ ਵਿਚ ਘੱਟ ਗਿਣਤੀ ਭਾਈਚਾਰਿਆਂ ਨਾਲ ਸਬੰਧਤ ਕਈ ਧਾਰਮਿਕ ਆਗੂਆਂ ਅਤੇ ਪ੍ਰਵਾਸੀ ਭਾਰਤੀਆਂ ਨੇ ਭਾਰਤ ਵਿਚ ਘੱਟ ਗਿਣਤੀਆਂ ਦੇ ਸਰਬਪੱਖੀ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਪਿਛਲੇ ਇੱਕ ਦਹਾਕੇ ਦੌਰਾਨ ਭਾਰਤ ਦੀ ਦੁਨੀਆ ਭਰ ਵਿਚ ਹੋਈ ਚੜ੍ਹਤ ਵਿਚ ਘੱਟ ਗਿਣਤੀਆਂ ਦੀ ਭੂਮਿਕਾ ਨੂੰ ਯਕੀਨੀ ਬਣਾਇਆ ਹੈ। ਇਹ ਆਗੂ ਟਾਈਮਜ਼ ਸਕੁਏਅਰ ਵਿਖੇ ਆਯੋਜਿਤ ਇੱਕ ਰਾਊਂਡਟੇਬਲ ਮੀਟਿੰਗ ਵਿਚ ਸ਼ਾਮਲ ਹੋਏ ਸਨ, ਜੋ ਕਿ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗੁਵਾਈ ਵਿਚ ਸਾਰੇ ਭਾਈਚਾਰਿਆਂ, ਖਾਸ ਕਰ ਕੇ ਘੱਟ ਗਿਣਤੀਆਂ ਦੇ ਸਮੁੱਚੇ ਵਿਕਾਸ ਅਤੇ ਬਰਾਬਰ ਮੌਕਿਆਂ ’ਤੇ ਕੇਂਦਿ੍ਰਤ ਸੀ।

ਅਮਰੀਕਾ ਦੇ ਮੈਰੀਲੈਂਡ ਵਿਚ ਆਯੋਜਿਤ ਇੱਕ ਸਮਾਗਮ ਦੌਰਾਨ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਨੂੰ ਘੱਟ ਗਿਣਤੀਆਂ ਦੇ ਕਲਿਆਣ ਲਈ ’ਡਾ. ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਗਲੋਬਲ ਪੀਸ ਅਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਅਵਾਰਡ ਵਾਂਸ਼ਿੰਗਟਨ ਐਡਵੈਂਟਿਸਟ ਯੂਨੀਵਰਸਿਟੀ ਅਤੇ ਐਸੋਸੀਏਸ਼ਨ ਆਫ਼ ਇੰਡੀਅਨ ਅਮਰੀਕਨ ਮਾਈਨੋਰਿਟੀਜ਼ (ਏਆਈਏਐੱਮ) ਵੱਲੋਂ ਸਾਂਝੇ ਤੌਰ ’ਤੇ ਦਿੱਤਾ ਗਿਆ। ਇਹ ਸਨਮਾਨ ਉਨ੍ਹਾਂ ਨੂੰ ਸਰਬਪੱਖੀ ਵਿਕਾਸ ਅਤੇ ਘੱਟ ਗਿਣਤੀਆਂ ਦੀ ਭਲਾਈ ਦੇ ਖੇਤਰ ਵਿਚ ਕੀਤੇ ਸ਼ਾਨਦਾਰ ਕਾਰਜਾਂ ਲਈ ਪ੍ਰਦਾਨ ਕੀਤਾ ਗਿਆ।

ਭਾਰਤੀ-ਅਮਰੀਕੀ ਭਾਈਚਾਰਿਆਂ ਦੇ ਵੱਖ-ਵੱਖ ਆਗੂਆਂ ਨੇ ਭਾਰਤ ਵਿਚ ਸਰਬਪੱਖੀ ਵਿਕਾਸ ਪ੍ਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਵਚਨਬੱਧਤਾ ਦੀ ਸ਼ਲਾਘਾ ਕੀਤੀ। ਵਾਸ਼ਿੰਗਟਨ ਐਡਵੈਂਟਿਸਟ ਯੂਨੀਵਰਸਿਟੀ ਵਿਖੇ ਆਯੋਜਿਤ ’ਗਲੋਬਲ ਇਕੁਇਟੀ ਅਲਾਇੰਸ ਸਮਿਟ’ ਦੌਰਾਨ ਆਗੂਆਂ ਨੇ ਕਿਹਾ ਕਿ ਮੋਦੀ ਸ਼ਾਸਨ ਦੇ ਅਧੀਨ ਭਾਰਤ ਵਿਚ ਘੱਟ ਗਿਣਤੀ ਭਾਈਚਾਰਾ ਪੂਰੀ ਤਰ੍ਹਾਂ ਸੁਰੱਖਿਅਤ ਅਤੇ ਮਹਿਫੂਜ਼ ਹੈ।

17 ਅਗਸਤ 2025 ’ਚ ਨਿਊਯਾਰਕ ਸ਼ਹਿਰ ਵਿਚ ਕਰਵਾਈ ਜਾ ਰਹੀ 43ਵੀਂ ਸਾਲਾਨਾ ਇੰਡੀਆ-ਡੇ ਪਰੇਡ ਵਿਚ ਮਾਹੌਲ ਉਸ ਸਮੇਂ ਖੁਸ਼ਨੁਮਾ ਹੋ ਗਿਆ ਜਦੋਂ ਭਾਰਤ ਦੀ ਅਨਮੋਲ ਵਿਰਾਸਤ ਤੇ ਸੱਭਿਆਚਾਰ ਦੇ ਰੰਗਾਂ, ਸੰਗੀਤ ਤੇ ਕਲਾਵਾਂ ਨੇ ਇਸ ਨੂੰ ਹੋਰ ਵੀ ਜ਼ਿਆਦਾ ਯਾਦਗਾਰ ਬਣਾ ਦਿੱਤਾ। ਫੈਡਰੇਸ਼ਨ ਆਫ਼ ਇੰਡੀਅਨ ਐਸੋਸੀਏਸ਼ਨਜ਼ (ਐੱਫਆਈਏ-ਐੱਨਵਾਈ-ਐੱਨਜੇ-ਸੀਟੀ-ਐੱਨਈ) ਵੱਲੋਂ ਆਯੋਜਿਤ ਇਸ ਪਰੇਡ ਵਿਚ ਲਗਪਗ 1,50,000 ਤੋਂ ਵੱਧ ਪਰਿਵਾਰਾਂ, ਉੱਘੀਆਂ ਸ਼ਖ਼ਸੀਅਤਾਂ, ਕਲਾਕਾਰਾਂ ਅਤੇ ਸੈਲਾਨੀ ਸ਼ਾਮਲ ਹੋਏ।

ਸਮਾਗਮ ਦਾ ਸਿਰਲੇਖ ’’ਸਰਵੇ ਭਵੰਤੁ ਸੁਖਿਨਹ’ (ਸਭ ਦਾ ਭਲਾ ਹੋਵੇ, ਸਭ ਦੁੱਖਾਂ ਤੋਂ ਮੁਕਤ ਹੋਣ) ਸ਼ਾਂਤੀ ਅਤੇ ਵਿਸ਼ਵਵਿਆਪੀ ਭਲਾਈ ਦਾ ਇੱਕ ਸ਼ਕਤੀਸ਼ਾਲੀ ਸੰਦੇਸ਼ ਲੈ ਕੇ ਆਇਆ। ਭਾਰਤੀ ਫਿਲਮੀ ਸਿਤਾਰੇ ਰਸ਼ਮਿਕਾ ਮੰਦਾਨਾ ਅਤੇ ਵਿਜੇ ਦੇਵਰਕੋਂਡਾ ਨੇ ਇਸ ਪਰੇਡ ਵਿਚ ’ਗ੍ਰੈਂਡ ਮਾਰਸ਼ਲ’ ਵਜੋਂ ਸ਼ਿਰਕਤ ਕੀਤੀ।